Në një epokë ku informacioni udhëton më shpejt se kurrë dhe e vërteta filtrohet përmes shumë syresh, gjeneratat e reja në Kosovë janë zgjuar. Janë lodhur nga fytyrat e njëjta në televizion, personazhe që flasin shumë por thonë pak. Këta njerëz, që prej vitesh kanë bërë karrierë duke “dhënë mend pa pasur mend”, nuk përfaqësojnë më asnjë ambicie reale për të rinjtë e sotëm.
Të rinjtë nuk janë më shikues të heshtur të një shfaqjeje që rrotullohet rreth budallallëkut të paketuar si “argëtim” apo “opinion”. Sot, rinia është më e informuar, më kritike dhe më e drejtpërdrejtë. E kuptojnë se të jesh “i njohur” nuk do të thotë të jesh i vlefshëm. Nuk aspirojnë më të duken si personazhet e radhës në ekran.
Koha kur shitej budallallëku si standard shoqëror ka marrë fund. Gjenerata e re nuk kërkon më “të jetë si dikush në TV”, por të bëjë diçka që ka kuptim. Ata duan të krijojnë, jo të kopjojnë. E vrej që duan të ndërtojnë një shoqëri ku mendimi i thellë ka më shumë vlerë se sa fama e shpejtë.
Gjeneratat e reja nuk kanë më nevojë për idhuj që flasin kot. Kanë nevojë për shembuj që mendojnë drejt. Dhe ky është një hap i madh përpara.
Nderim Neziri
TelevizionetNderim NeziriGjeneratat e reja
