Vetura godet një këmbësor në Prishtinë, policia jep detaje

Një aksident i rëndë ka ndodhur rreth orës 21:00 në rrugën “C” në Prishtinë, ku një veturë ka goditur një këmbësor.

Rastin e ka konfirmuar zëdhëndës polici për rajonin e Prishtinës, Flora Ahmeti, ku bëri të ditur se si pasojë i aksidentit ka mbetur i lënduar këmbësori.

Ahmeti njoftoi se i lënduari është dërguar për tretman mjeksor

“Sot rreth orës 21:00 në rrugën ‘C’ në Prishtinë, ka ndodhur një aksident trafiku në mes të një automjeti dhe një këmbësori.

Si pasojë e aksidentit është lënduar këmbësori, i cili  menjëherë është dërguar për tretman mjekësor”, ka thënë Ahmeti.

Ndërsa me rastin po merret njësiti i trafikut.